ઉ-ઊ
શબ્દ સંશોધનઃ કાંતીભાઈ કરસાળા
ક્રમ |
શબ્દ |
અર્થ |
શબ્દપ્રયોગ |
1 |
ઉંગન |
ઝોલાં ખાવાં તે. |
કેટલાક ને વાતવાતમાં ઉંગનની આદત હોય છે. |
2 |
ઉંગળ |
(ભીલી ) સ્નાન; નાવણ. |
રોજ ઉંગળ કરવાથી શરીર સ્વસ્થ રહે છે. |
3 |
ઉંગ્ની |
સુસ્તી; આળસ |
ઉંગ્ની ત્યજી, શ્રમ કરો, સમૃદ્ધિ મેળવો. |
4 |
ઉંછ |
ભિક્ષા |
માતા અનુરાધા પાસે બાળ સ્વરૂપે બ્રહ્મા, વિષ્ણુ તથા મહેશ ઉંછ માટે પધાર્યાં. |
5 |
ઉંજલ |
ખોબો; પોશ |
લગ્ન પ્રસંગે વર કન્યાને ઉંજલ ભરી કંસાર પીરસાય છે. |
6 |
ઉંદુક |
થાળી. |
ઉંદુક માં જરૂર પૂરતું જ ભોજન લો. |
7 |
ઉંદેણ |
ઈંઢોણી. |
ઉંદેણ પર બેડલું પનિહારી ચાલી પાણી ભરવા. |
8 |
ઉકબા |
પરિણામ; અંત બીજી દુનિયા; સ્વર્ગ. |
કોઈ પણ કાર્ય કરતાં તેનાં ઉકબાનો વિચાર કરો. |
9 |
ઉકમાવું |
નિમણૂક કરવી |
સરકારે મુખ્ય ચુંટણી કમિશનર તરીકે નવીન ચાવલાની ઉકમાવ કરી. |
10 |
ઉકરસ |
ચડતી |
જીવનમાં ઉકરસ-પડતી આવ્યા જ કરે. |
11 |
ઉકરાટુ |
અભિમાની; ગર્વિષ્ઠ. અવળું; ઊંધું |
રાવણ કેવો ઉકરાટું હતો ! |
12 |
ઉકલા |
ડાહ્યા માણસો. |
ઉકલાની વાતો હંમેશા માનવી જ જોઈએ. |
13 |
ઉકલાઈ |
ઊલટી. |
તેની ઉકલાઈ વાતો થી હું તંગ આવી ગયો છું. |
14 |
ઉગ્રભાગી |
નસીબદાર; ભાગ્યશાળી. |
કાંતિભાઈ બધી રીતે ઉગ્રભાગી છે. |
15 |
ઉઘાડેછોગે |
જાહેરમાં |
પોલીસે ગુનેગારની ઉઘાડેછોગે ધોલાઈ કરી. |
16 |
ઉચંગ |
મૂર્છા. |
ભારે ગરમીને કારણે તેની ઉચંગ આવી ગઈ. |
17 |
ઉચકન |
આડ; ટેક. |
વૃક્ષની ઉચકન લઈ રામે વાલીને માર્યોં. |
18 |
ઉચક્કા |
ખીસા કાતરનાર ચોર. બદમાશ; ઉઠાઉગીર. ભિખારી. ચોરી. |
રેલ્વે સ્ટેશન, બસ સ્ટેશન જેવાં જાહેર સ્થળે ઉચક્કા થી સાવધાન રહો. એવાં બોર્ડ જોવા મળે છે. |
19 |
ઉચ્ચગોત્ર |
કુળ. |
રામ શર્મા આચાર્યનું ઉચ્ચગોત્ર ભારદ્વાજ છે. |
20 |
ઉચ્ચટા |
ટેવ; આદત. |
રામજીભાઈ ઉચ્ચટાથી મજબૂર છે. |
21 |
ઉચ્ચતરુ |
નાળિયેરી. |
ઉચ્ચતરુ દરિયાકાંઠાના વૃક્ષો છે. |
22 |
ઉચ્ચતા |
ઉન્નતિ; ચડતી. ઉમદાપણું; શ્રેષ્ઠતા; મોટાઈ; પ્રૌઢતા. ઊંચાઈ. યોગ્યતા; ગુણ. |
તેજોદ્વેશી બીજાની ઉચ્ચતાને સાંખી શક્તો નથી. |
23 |
ઉચ્છિલીંદ્ર |
બિલાડીનો ટોપ; ઉચ્છિલીંધ્ર. |
ભારતમાં ઉચ્છિલીંદ્રની જેમ પ્રાદેશિક પક્ષો ફૂટી નીકળ્યાં છે. |
24 |
ઉચ્છિષ્ટતા |
નાપાકી. |
ભારતમાં જૂદા જૂદા સ્થળે ત્રાસવાદીઓ હુમલા કરી કેવી ઉચ્છિષ્ટતા કરે છે. |
25 |
ઉચ્છીર્ષક |
ઓશીકું |
કેટલાકને માથું રાખવા માટે બે ઉચ્છીર્ષકની ટેવ હોય છે. |
26 |
ઉચ્છુલ્ક |
કર અને જકાત વગરનું. |
આજે ગુજરાતમાં બધાં શહેરો ઉચ્છુલ્ક છે. |