ગુજરાતી શબ્દ સ્પર્ધા

જૈન પાઠશાળાનાં  શીક્ષીકા કોર્ડીનેટર ચીની મહેતાનાં જણાવ્યા પ્રમાણે ભાષા ઉત્સવ ને શબ્દ સ્પર્ધા  પુરતી સિમિત ન બનાવતા શ્રોતા અને દર્શકોને માટે  મનોરંજક અને જ્ઞાનવર્ધક બનાવવાનો પ્રયત્ન કર્યો હતો. વળી આ વખતનાં ઉજવણામાં વિદ્યાર્થીઓ સાથે તેમના વાલીઓનું તથા ગુગલનું પણ જ્ઞાન દેખાતું હતું.  શબ્દ સ્પર્ધાના ગુજરાતી વિભાગનાં જજ આરતી છેડા અને વિજય શાહ હતા. હીન્દી વિભાગનાં જજ સપના ઓસવાલ અને શૈલેશભાઇ જૈન હતા.

સ્પર્ધકોને કોમ્પ્યુટર દ્વારા નિયત દસ સેકંડમાં આપેલા અંગ્રેજી શબ્દનાં ગુજરાતી અર્થો અને ગુજરાતી શબ્દોનાં અંગ્રેજી અર્થો આપવાના હતા. તેજ રીતે હીંદીમાં પણ અનુવાદને આ વખતે વધુ મહત્વ અપાયુ હતુ

અમિષાબેન કાપડિયાએ આ શબ્દ સ્પર્ધાનું સંચાલન કર્યુ હતુ અને જે તે વર્ગનાં શિક્ષકો પણ સમયોચિત સહાય કરતા જણાતા હતા. વર્ગમાં થયેલી આંતરીક સ્પર્ધાનાં અંતે વિજેતાઓ માટે સ્ટેજ ઉપર છેલ્લી સ્પર્ધા હતી

કાવ્ય પઠનમાં ઘણાં બાળ ગીતો અને સારા સારા કાવ્યોનાં પઠન બંને ભાષામાં થયા જેમાં જય મહેતાની હીન્દી કવિતા “મહેનત કરને વાલોકી કભી હાર નહીં હોતી” અને આર્યન શાહની ગુજરાતી કવિતા “માતૃભાષા” લોકોને સ્પર્શી ગઈ

નવતર બીજું સુચન એ હતું કે ગુજરાતી અને હીન્દીમાં નિબંધ પઠન. જેમાં ઉચ્ચારો અને રજુઆત પર ધ્યાન અપાયુ હતું. દરેક ધોરણોનાં વિદ્યાર્થીઓ કે જેમણે તેમના ઘરે કદીયે જે ભાષામાં બોલ્યા ના હોય  તેમાં નિબંધ ગુગલ ઉપર સંશોધન કરી દરેક વિદ્યાર્થીઓ તેવા લેખો વાંચતા હતા જે પ્રશંસનીય ઘટના હતી

ત્રીજા ધોરણ ની તારા ઐયર તો હજી આ વર્ષેજ હિંદી શીખવાનું શરુ કર્યુ હતું અને છ મહીનાની તાલિમમાં તેનું વક્તવ્ય હિંદી ભાષી સમાન સુંદર હતુ. વિષયોમાં વૈવિધ્ય હતું અને માહિતી સભર નિબંધો હતા. ગુજરાતી નિબંધોમાં આદ્ય કવિ નરસિંહથી માંડીને નરેન્દ્ર મોદી સુધી વૈયક્તિક વિષયો હતા જ્યારે હિંદીમાં ધાર્મિક અને ઐતિહાસીક વિષયો હતા..જે વિદ્યાર્થીઓએ સ્વયં નિર્ધારેલા હતા.

બે કલાક ચાલેલા આ “ભાષા ઉત્સવ” ( Show case of Languages) દરેક દર્શકો માટે અદભુત અનુભવ હતો..દરેક માતા પિતા, શિક્ષકો અને વિદ્યાર્થીઓનો સહિયારો માતૃ ભાષા સંવર્ધન નો ઉત્તમ પ્રયોગ હતો. સૌને હાર્દિક અભિનંદન.

 માતૃભાષા વિશે ફક્ત વાતો નહીં પણ નક્કર કામ કરતા હ્યુસ્ટન જૈન સેન્ટર, પાઠશાળાનાં ૫ વર્ષથી ૧૫ વર્ષનાં લગભગ ૧૭૫ કરતા વધુ બાળકો તેમની આવડત અને ઉંમર પ્રમાણે ૨૦૦ શબ્દો હિંદી અને ગુજરાતીમાં શીખ્યા. તેમના શિક્ષકો અને વાલીઓએ માતૃભાષા એક સંસ્કાર છે અને તેને જેમ ધર્મ શીખવાડવા મથીયે તેમ ભાષા શીખવાડી અને એક ગૌરવાન્વીત ઉદાહરણ સમગ્ર વિશ્વ સામે મુક્યુ.

હિન્દી વર્ગ ૨ શબ્દ સ્પર્ધા અંતિમ ચરણો માં

શબ્દ સ્પર્ધા ચિત્ર ઓળખો અને જવાબ માતભાષામાં આપો

શબ્દ સ્પર્ધામાં સૌને આવકારતા મોનાબેન શાહ અને જજ સુશ્રી આરતીબેન છેડા અને વિજયભાઇ શાહ
તસ્વીર સૌજન્યઃ પરાગ શેઠ

પાઠશાળા કો ઓર્ડીનેટર ધનેશ શાહ અને મોના શાહ સાથે વાત થતી હતી તે સમયે ધનેશભાઇ શાહ બોલ્યા માતૃભષા એ પણ એક જરુરી સંસ્કાર છે અને જેમ આપણી ધાર્મિક માન્યતાઓને આગલી પેઢીને આપણે આપવા મથીયે છે તે પ્રમાણે માતૃભાષા સંવર્ધન માટે ગુજરાતી અને હિંદી ભાષાનાં શિક્ષકો શબ્દ સ્પર્ધા કરશે. ત્યારે વિજયભાઇ શાહ અને  વિશાલ મોણપરાની સાથે એક મીટીંગ ગોઠવી શબ્દ સ્પર્ધાને માટે જરુરી માળખુ શિક્ષકોને સમજાવ્યુ અને હિંદીનાં ૩ વર્ગ અને ગુજરાતીનાં ૩ વર્ગ ની શબ્દ સ્પર્ધાની પૂર્વ તૈયારીઓ થવા માંડી.

દરેક વર્ગનાં શિક્ષકો પોતાની રીતે ૨૦૦ જેટલા શબ્દો તૈયાર કરીને વિદ્યાર્થીઓને અને તે  વિદ્યાર્થીનાં વડીલોને આપ્યા.દરેક વર્ગ ઉંમર પ્રમાણે વિભાજીત હતો તેથી એક શબ્દ સમુહ અને એક પ્રકારનાં નિયમોને આધિન આ રમત નહોંતી. 

શબ્દ સ્પર્ધા ૨૮ ફેબ્રુઆરીને ૧૧.૦૦ કલાકે જૈન સેંટરનાં મુખ્ય કક્ષમાં થઇ. પાઠશાળા કો ઓર્ડીનેટર સુશ્રી મોના શાહે સૌ શ્રોતાગણને આવકાર્યા અને નિર્ણાયક સુશ્રી આરતીબેન છેડા અને વિજયભાઇ શાહનો પરિચય આપ્યો. સૌ સ્પર્ધકો અને તેમના વાલીઓનો ઉત્સાહ અનેરો હતો.

ગુજરાતી વર્ગ ૧નાં શિક્ષકોએ( નીતા દેસાઇ અને અમીશા કાપડીયા) શબ્દ અને અક્ષર બે ટુકડીઓ અને ૮ સ્પર્ધકોને સ્ટેજ પર લાવ્યા હતા અને તેમના શબ્દ સમુહને અનુરુપ રંગીન ચિત્રો લાવ્યા હતા અને તે ચિત્રો જોઇને સ્પર્ધકોએ ગુજરાતીમાં જવાબ આપવાના હતા. બંને ટુકડી મજબુત હતી અને પુછાયેલ શબ્દોમાંથી પ્રથમ ૧૩ મીનીટ સુધી પરિણામ આવ્યું નહોંતુ..જે છેલ્લા શબ્દે આવી ગયુ હતુ સિધ્ધાર્થ દેસાઇની જહેમત જાવા પ્રોગ્રામીંગ નાં ચિત્રોમાં દેખાતી હતી, શબ્દ ટુકડી વિજેતા બને હતી અને તેના વિજેતાઓ હતા ધ્રુવ અજમેરા,અમી મોમાયા,મીરા શાહ, અને મીહીકા શાહ( ઉંમર વર્ષ ૫ થી ૮)

હિન્દી વર્ગ ૧નાં શિક્ષકો (સપના ઓસ્વાલ અને પ્રિયંકા શેઠ) સાત સ્પર્ધકોને સ્ટેજ ઉપર લાવ્યા હતા અને દરેક સ્પર્ધક સ્વતંત્ર હતા.તેમણે અંગ્રેજી શબ્દો બતાવી હિન્દીમાં તેના જવાબ આપતા હતા અત્રે ખાસીયત એ હતી કે ચિત્રો હાથથી દોરેલા હતા અને પાવર પોઈંટમાં તે દર્શાવાતા હતા. આ સ્પર્ધાનાં પ્રથમ દ્વિતિય અને તૃતિય નંબરે અનુક્રમે મુશ્કાન શેઠ, રેવા જાજોદીયા અને વિરાજ શાહ આવ્યા હતા ( ઉંમર વર્ષ ૫થી ૮)

ગુજરાતી વર્ગ ૨નાં શિક્ષકો પ્રીતિ રાંભીયા અને વૈશાલી શાહ) દરેક સ્પર્ધક સ્વતંત્ર હતો અને તેમને અંગ્રેજી શબ્દો આપી તેનો ગુજરાતી શબ્દ આપવાનો હતો પ્રથમ બે નંબર એક સરખા ગુણ આવતા ફરી પ્રશ્નો પુછાયા જેમા આખુ વાક્ય અંગ્રેજીમાં પુછાયુ અને સ્પર્ધકોએ તે વાક્યનું ગુજરાતી કહેવાનું હતુ.આ સ્પર્ધાનાં પ્રથમ દ્વિતિય અને તૃતિય નંબરે અનુક્રમે રીયા સોલંકી, અવની શાહ અને વંશીકા જોન્સા આવ્યા હતા (ઉંમર વર્ષ ૯થી ૧૨)

હિન્દી વર્ગ ૨નાં શિક્ષકો (રીતુ જૈન અને નીરજા શાહ) માં દરેક સ્પર્ધક સ્વતંત્ર હતો અને તેમને અંગ્રેજી શબ્દ અપાતા હતા અને તેનો હિન્દીમાં  ઉત્તર આપવાનો હતો. અહી વૈવિધ્ય એ હતુ કે પ્રથમ દસ સેકંડમાં જવાબ ન આપી શકનારને તે શાબ્દ પારખવા સંકેત(Hint) અપાતા હતા. આ સ્પર્ધા પણ રોચક રહી. આ સ્પર્ધાનાં પ્રથમ દ્વિતિય અને તૃતિય નંબરે અનુક્રમે રચિત જૈન, રિતિકા જૈન અને દિવ્યા શાહ આવ્યા હતા (ઉંમર વર્ષ ૯થી ૧૨)

ગુજરાતી ૩ ના શિક્ષકો( ડીસ્પ્યુટા કોઠારી અને મનન મહેતા) ચાર સ્પર્ધકોને સ્ટેજ ઉપર લાવ્યા હતા તેથી તેમને શબ્દોને સાચી જોડણી સાથે ઉચ્ચારવાનાં હતા અને શબ્દો ચીઠ્ઠી ઉપાડીને અપાતા હતા. બીજા દોરમાં શબ્દોની જોડણી પણ કહેવાની હતી અને શબ્દ પ્રયોગ પણ કરવાના હતા. આ શબ્દ પ્રયોગ ભુલકાઓ સરસ રીતે કરતા હતા જે સાચી ગુજરાતી  ભણાવાતી હોવાની પ્રતિતિ કરાવતા હતા. આ સ્પર્ધા પણ રોચક રહી. આ સ્પર્ધાનાં પ્રથમ દ્વિતિય અને તૃતિય નંબરે અનુક્રમે શ્રીપાલ શાહ, વિવાન કોઠારી અને રીયા કાપડીયા આવ્યા હતા (ઉંમર વર્ષ ૧૩થી ૧૬)

હિન્દી ૩નાં શિક્ષકો (સ્મીતા બોરા અને શૈલેશ જૈન) સાત સ્પર્ધકોને સ્ટેજ ઉપર લાવ્યા.   તેમને બે દોર હતા જેમા પ્રથમ દો્રમાં અંગ્રેજી શબ્દો અપાતા હતા જેમનો તેમણે હિન્દી શબ્દ આપવાનો હતો. બીજા દોરમાં હિન્દી વાક્ય અપાયા જે તેઓએ વાંચવાના હતા અને સરખા ગુણના અનુસંધાને જૈન સોસાયટીનાં પ્રમુખ આશિષ ભંડારીએ હિન્દીમાં પ્રશ્ન પુછ્યા હતા જેનો જવાબ હિન્દીમાં સ્પર્ધકો એ આપ્યો હતો. આ સ્પર્ધા પણ રોચક રહી. આ સ્પર્ધાનાં પ્રથમ દ્વિતિય અને તૃતિય નંબરે અનુક્રમે શ્રેયા ઉદય, યશ બોરા, અને સિધ્ધાર્થ શાહ આવ્યા હતા (ઉંમર વર્ષ ૧૩થી ૧૬).

બે કલાક ચાલેલ આ સ્પર્ધામાં પાઠશાળનાં તમામ વિદ્યાર્થીઓ અને તેમના વાલીઓની હાજરીથી હોલ ભરચક હતો. દરેક ટીમના વિજેતાઓને તાળીઓનાં ગડગડાટ્થી વધાવાતા હતા અને કવચીત હાર પામેલા પ્રતિસ્પર્ધક્નું રુદન પણ જોવા મળ્યુ. જે એમ સુચવે છે તૈયારી પુરી કરવા છતા સ્ટેજ ઉપર અવાચક બની જતા તે સ્પર્ધા હારી. જૈન સેંટરમાં ભાષાનાં શિક્ષકોનો આ પ્રયોગ વિશે પોતાના પ્રતિભાવો મોના શાહે પુછતા શિક્ષકોએ જણાવ્યું કે આખા વર્ષમાં શિખવવાનાં શબ્દો વિદ્યાર્થી આ સ્પર્ધત્મક વાતાવરણ ને લીધે ફક્ત દોઢ મહીનામાં શીખી ગયા. એક વિદ્યાર્થીની તો માંદી હોવા છતા શબ્દ સ્પર્ધાનાં પ્રરંભિક દોરમાં તેના પિતાને મજબુર કરીને આવી અને હાજર રહી. વિદ્યાર્થી સાથે તેમના માતાપિતા પણ સારા એવા સ્પર્ધા માટે સક્રિય હતા. શિક્ષકોને પણ બહુ જ મઝા આવી અને આવી સ્પર્ધા દરેક વર્ષે ગોઠવાય તેવી અપેક્ષા જાહેર કરી.શ્રોતાગણમાં પણ સંયમ બહુજ આવકારનીય હતો અને ક્યાંક કચવાટ પણ હતો કે અંગ્રેજી શબ્દોનો ઉપયોગ ના થયો હોત તો સારુ. એકંદરે સૌની માતૃભાષા પ્રત્યેની ભક્તિ અનન્ય રીતે દેખાતી હતી. કેટલાક માતાપિતાને તેમના બાળકો સ્ટેજ ઉપર ન આવી શક્યાનો અને આવતે વર્ષે વધુ મહેનત કરી તેમા સક્રિય થવાનો થનગનાટ દેખાતો હતો.

શબ્દ અંતાક્ષરી એ warm up exercise છે અને તેના દ્વારા elimination of participant પણ થાય છે.

વૃંદમાં બધાને એક સાથે બેસાડીને નંબર સાથે કાગળ આપવાના અને દરેક જે શબ્દ બોલે તે શબ્દ લખવાનો. આ રમત ધારોકે 20 જણા હાજર છે તો તે દરેકને કુલ્લે વીસ શબ્દ બોલવાના છે અને તે અંતાક્ષરીની પધ્ધતી થી…એટલે કે પ્રવક્તા એક શેર કહે તેનો છેલ્લો અક્ષર ધારો કે હ આવ્યો તો તે કહે હાસ્ય અને તેના કાગળ ઉપર લખે હાસ્ય તેની પછીના પ્રતિસ્પર્ધકે ય ઉપર શબ્દ કહેવાનો એટલે કે યશસ્વી અને તે કાગળ ઉપર લખે હવે પછીના સ્પર્ધકને વ આવ્યો તે બોલે વાયરો આ આવર્તન 20 શબ્દો સુધી ચાલે એટલેકે 400 શબ્દો બોલાય.( સ્પર્ધાને કઠીન બનાવવી હોય તો યશસ્વીમાં છેલ્લો શબ્દ વી છે તો નવો શબ્દ વી ઉપરથી લઇ શકાય)

હવે દરેકનાં પેપર લઇ પરિક્ષક તેમના શબ્દોનાં સરવાળા કરી જે પ્રથમ 8 વિજેતા હોય તેને શબ્દ સ્પર્ધામાં આગળ લઇ જાય.( ગુણ ગણવાનુ કાર્ય કોમ્પ્યુટર કરે તેવો પ્રોગ્રામ વિકસાવાઈ રહ્યો છે)

હવે આ શબ્દો ના ગુણ કેવી રીતે નક્કી કરવા તે તે વૃંદનાં નેતા ઉપર આધારિત છે તે એક અક્ષરનાં શબ્દ નો એક ગુણ પણ આપી શકે. તેજ પ્રકારે તદ્દન નવો શબ્દનો ઉપયોગ થાય અને પ્રવક્તા તેને દસ ગુણ આપી શકે. અને ગુજરાતી સિવાયની અન્ય ભાષાનો શબ્દ બોલાય તો પરિક્ષક તેના ગુણ શુન્ય કે નકારાત્મક કરી શકે છે.
પહેલા દસ શબ્દ તો સળંગ જશે પણ જેમ તે આગળ ચાલશે તેમ તે કઠીન થતી જશે. વધુ કઠીન બનાવવી હોય તો શબ્દ સાથે અર્થ પણ દાખલ કરી શકાય.
એક અક્ષર જે શબ્દ તરીકે રજુ થાય તેના દસ માર્ક
બે અક્ષરના બે  ત્રણ ના ત્રણ તે રીતે મહત્તમ 10 અક્ષરના શબ્દ સુધી જઇ શકાય
દરેક સ્પર્ધક એકાક્ષરી શબ્દ અને લાંબા શબ્દો યાદ રાખવા મથશે..અહીં કસોટી એ છે કે જ્યારે વારો આવ્યો ત્યારે તે અક્ષર નો શબ્દ યાદ આવે તે જીતે.

શબ્દ સ્પર્ધા

વિજેતા 8 સ્પર્ધકોમાંથી બે ટુકડી થશે
અને તેમને દસ શબ્દો કોમ્પ્યુટર દ્વારા પુછવામાં આવશે જે શબ્દનો અર્થ કહેવાનો છે
( અઘરી સ્પર્ધા બનાવવા અહીં  સાચો ઉચ્ચાર ઉમેરી શકાય અથવા શબ્દ પ્રયોગ માંગી શકાય. એક શબ્દ નાં અહીં પાંચ ગુણ આપી શકાય 3 સાચા અર્થના 2 સાચા ઉચ્ચારના. ) આ સ્પર્ધામાં 20% અઘરા શબ્દો હશે. વિશાલ આ 8 પ્રશ્ન પત્રો કોમ્પ્યુટર દ્વારા પુછશે કે જેથી વેરો આંતરો કે તેવી કોઇ ફરિયાદ ન આવે. જે ટુકડી વિજેતા બની તેની ફરીથી બે ટીમ બનશે ( ઉદાહરણ )

શબ્દ સ્પર્ધા અતિમ તબક્કામાં

હવે સ્ટેજ ઉપર ચાર સ્પર્ધકો છે  અને તેમને ફરી થી દસ શબ્દો પુછાશે. જેમા 40% અઘરા શબ્દો હશે અત્રે શબ્દનો અર્થ ઉચ્ચાર કે જોડણી અને શબ્દ પ્રયોગ હશે.દરેક શબ્દનાં દસ ગુણ હશે સાચા અર્થનાં 3 સાચી જોડણીનાં 3 અને શબ્દ પ્રયોગનાં 4.

વિજેતા ટુકડી હવે શબ્દ નિષ્ણાત થવા એક મેકને શબ્દ પુછશે અને પ્રતિસ્પર્ધકે શબ્દ ના અર્થ ઉચ્ચાર અને શબ્દ પ્રયોગ બતાવવાના છે. ( આયોજક ધારે તો કોમ્પ્યુટરની મદદ લૈ શકે અને ન ચાહે તો પ્રતિસ્પર્ધકોને કસોટીની એરણ પર ઉતરવાનો અધિકાર આપે.) લઘુત્તમ દસ શબ્દ અને મહત્તમ જ્યાં સુધી વિજેતા નક્કી ન થાય ત્યાં સુધી આ ચાલી શકે.

ભગવદ ગો મંડળ  કોઇ પણ વિવાદના પ્રસંગે જોઇ શકાય અને સ્પર્ધાનાં સંચાલક્નો નિર્ણય હંમેશા અંતિમ ગણાશે.

ગુજરાતી ને ટકાવી રાખવા મથતા દરેક ગુજરાતી પ્રેમીઓ માટે એક રમત તૈયાર કરી છે  અને તે છે ગુજરાતી શબ્દ સ્પર્ધા.
હેતૂઃ- ગુજરાતી ભાષા લોક્ભોગ્ય બને દીર્ઘાયુ બને તેવી વાતો કરતા દરેક્ને એક શસ્ત્ર આપવું છે.
અંગ્રેજી વિશ્વ ભાષા કેમ બની અને તેના કારણોને ચકાસતા સ્ફુરેલી આ વાત છે.
અંગ્રેજોમાં તે સમયે કે જ્યારે વિશ્વભરમાં તેમનો સુરજ તપતો હતો ત્યારે તેમણે એક વિષ (myth)તૈયાર કર્યુ કે.. જે અંગ્રેજી જાણે છે તે વિશ્વમાં આઝાદ ફરી શકે છે. વળી તેમની પાસે કારકુનોની કમી હતી તેથી જે દેશમાં રાજ્ય કરે ત્યાં શાળામાં એક ભેદ દાખલ કરે..અંગ્રેજી શીખવા બહુ મહેનત કરવી પડે જેથી વિદ્યાર્થી અને શિક્ષકો બંને તે શીખવા અને શીખવાડવા ખુબ મહેનત કરે. અને તે મહેનતનો એક પ્રકાર છે Spell Bee.
આપણે ગુજરાતીઓ કે જે પૈસાનું મુલ્ય અન્ય દરેક વસ્તુ થી વધારે માનીયે કે સમજીયે તેથી આપણી ભાષા ઉપર ધ્યાન રાખવાને બદલે જ્યાં જઈએ તે ભાષા ને મહત્વ વધારે આપે.
આજે આપણે આખા વિશ્વમાં વસીયે છિયે અને આખાવિશ્વની ભાષાઓ જણીયે છે અને કદાચ આપણી માતૃભાષા વિશે એવુ કોઇ ગર્વ દેખાતુ નથી માટે આપણને ગુજરાતી માધ્યમની શાળા બંધ થાય તો મા મરી ગઈ હોય તેવું દુઃખ નથી થતુ.
મને તે થાય છે માટે મેં તે ભાષાને મજબુત કરવા તેજ ઉપાયો અજમાવવા યોગ્ય સમજ્યા જે અંગ્રેજોએ અંગ્રેજી માટે કર્યા હતા.
ગુજરાતી શબ્દ સ્પર્ધા.. ઘણી બધી રીતે થઈ શકે છે.
જેમાં સંસ્થા માટે પૈસા ભેગા થઈ શકે છે

વિગતે માહીતિ માટે www.shabdaspardha.gujaratisahityasarita.org  અને www.vijayshah.wordpress.com જુઓ
શબ્દ સ્પર્ધાનાં શબ્દ પેપર માટે vishal.monpara@yahoo.com નો સંપર્ક કરવો

જયંત પટેલ ( કો ઓર્ડીનેટર) અને સુરેશ બક્ષી ( એસોસીયેટ કો ઓર્ડીનેટર)

ગુજરાતી સાહિત્ય સરિતા હ્યુસ્ટનનાં ગુજરાતી ચાહકોની અને ચાહકો વતી ચાલતી સંસ્થા છે. જેનો મુખ્ય ધ્યેય ગુજરાતી ભાષાનાં સંવર્ધનનો છે અને તે કાર્ય છેલ્લા સાત વર્ષોથી વિવિધ પ્રકારે ચાલી રહ્યું છે. ગુજરાતી શબ્દ સ્પર્ધા તેવો એક વિશ્વસ્તરીય સંન્નિષ્ઠ પ્રયાસ જે દ્વારા થશે શબ્દ સાધના અને તેની રમત.

અત્રેનાં સંચયમાં મુખ્યત્વે સાર્થ જોડણી અને ભગવદ્ગોમંડળ જ્ઞાનકોશનો ઉપયોગ કરેલો છે.તે બંન્ને સંસ્થાનો હાર્દિક આભાર.-

વિજયભાઈ શાહ,  દેવિકાબેન ધ્રુવ, રસેશ દલાલ, પ્રવિણાબેન કડકીયા, કીરિટ ભક્તા,અને સરયૂબેન પરીખ જેવા બ્લોગર મિત્રોનાં ઉત્સાહથી અને વિશાલ મોણપરાની તકનીકિ સહાયથી આ ગુજરાતી શબ્દ સ્પર્ધાનો પ્રયોગ  ગુજરાતી સાહિત્ય સરિતાની બેઠકમાં ઊજાણી દરમ્યાન થશે તે જણાવતા અમને ઘણો  આનંદ થાય છે.

કોઈ પણ ગુજરાતી સમાજ કે ગુજરાતી સંગઠન આ સ્પર્ધા મુકવા માંગે તો એક સૌથી મોટૉ ફાયદો છે અને તે સ્પર્ધકો સાથે સભ્યોનું પણ ગુજરાતી શબ્દ ભંડોળ વધે છે. જે કોઈ કમીટીમાં મુખ્ય હોય તે આ રીતે જે તે જુદી ઉંમરનાં વિભાગમાં સક્રિય થતા હોય તેઓ ને એક અક્ષર ફાળવી તેના અજાણ્યા અને ગુજરાતી શબ્દો અર્થ્ અને શબ્દ પ્રયોગનું ભંડોળ ભેગુ કરે. દરેક અક્ષરનાં ૨૦ શબ્દો તેના અર્થ અને શબ્દપ્રયોગ તરીકે ભેગા કરે (વ્યંજન અને સ્વરોને ભેગા કરીયે તો ૩૯ -૪૦ થાય) હવે દરેક અક્ષરનાં ૨૦ શબ્દો ભેગા કરીયે તો ૮૦૦ જેટલા શબ્દોનું ભંડોળ થાય.

આ શબ્દ ભંડોળ લઘુત્તમ ૧૨ અને વધુ માં વધુ ૪૦ સ્પર્ધકો માટે જરુરી શબ્દભંડોળ  બની શકે.

ગુજરાતી સાહિત્ય સરિતા ઊજાણી દરમ્યાન આ સ્પર્ધા રમનાર છે. અને આવુ શબ્દ ભંડોળ અત્યારે એકત્રીત થઈ રહ્યું છે. જો કે આવુ ભંડોળ્ બે કે પાંચ સભ્યો પણ કરી શકે પણ તેમ કરવાથી સમુહ રમતો જે ઉજાણીમાં રમાતી હોય છે તેનો હેતુ મરી જતો હોય છે.

વિશાલે રેંડમ સીલેક્શન માટે તે શબ્દભંડોળમાંથી સ્પર્ધક દીઠ ૨૦ શબ્દો શોધવાનો એક નાનો સોફ્ટ્વેર બનાવ્યો છે.

શબ્દ દીઠ ૫ ગુણ છે જેમા શબ્દનાં સાચા અર્થ માટે ૨ ગુણ શબ્દ પ્રયોગ માટે ૩ ગુણ છે.

સ્પર્ધકે તેના ભાગે આવેલ ગુજરાતી શબ્દનો અર્થ અને શબ્દ પ્રયોગ રજુ કરવાનો છે શબ્દપ્રયોગ દરમ્યાન ઉચ્ચાર દોષ જણાય તો જોડણી એક પર્યાય બની શકે છે.

વિવાદનાં પ્રસંગોમાં પરિક્ષકો ભગવદ ગોમંડળનાં શબ્દોને સત્ય માનશે.

ગુજરાતી સાહિત્ય સરિતામાં અત્યારે દરેક સભ્યોને તેમના નામનાં પ્રથમ અક્ષર અને અટકનાં પ્રથમ અક્ષર પ્રમાણે ૨૦ અજાણ્યા શબ્દો ભગવદ ગોમંડળ ઉપરથી શોધવાનું ઈજન અપાયુ છેો

ઓસ્ટીન નિવાસી દિલીપભાઇ પરીખનું ચિત્ર બ્લોગ ટાઈટલમાં વાપરવાની અનુમતિ બદલ તેમનો આભાર

એક વધુ આભાર માનવાનો છે અને તે બ્લોગર મિત્રોનો.. કાંતિભાઈ કરસાળા બહુજ સક્રિય રહી શબ્દ સંશોધનમાં અને અન્ય બ્લોગર મિત્રોને આ પૂર્વ તૈયારીમાં તૈયાર કરવામાં ઘણો જ સક્રિય ફાળો આપી રહ્યા છે.

 જયંત પટેલ ( કો ઓર્ડીનેટર) અને સુરેશ બક્ષી ( એસોસીયેટ કો ઓર્ડીનેટર)